As jy van skoonheidskatoetertjies hou, sal jy mal wees oor die nuwe Foreo Luna Mini. Die silikoonborseltjie het drie sones en sal nie jou vel beskadig nie. Dis ontwerp om verskillende dele van jou gesig skoon te maak – of dit nou dele is wat geneig is om olie op te bou, of dele wat ’n sagter reiniging nodig het. Die T-soniese (transdermaal-soniese) polsings maak porieë skoon, wat jou vel binne drie dae ooglopend stralender sal laat lyk. 

Om die Foreo Luna Mini te gebruik wend jy eenvoudig reiniger aan jou gesig, skakel die toestel aan en hou die borselkant vir ’n sekonde onder lopende water en begin dan. Daar is tussenposes van 15 sekondes wat aandui wanneer jy na die volgende deel van jou gesig moet aanskuif, byvoorbeeld jou voorkop, wange, ens. Die toestel het twee verstellings en jy kan jou voorkeur kies. As jy die 1-minuut-reiniging voltooi het, spoel eenvoudig jou Luna Mini af en skakel dit af. Jy het ook die keuse om dit twee maal per dag te gebruik – soggens en saans.

Hierdie ongelooflike toestel is nie poreus nie en is waterbestand en kan ná een volle herlaaiing 300 keer gebruik word, wat dit ook lekker maak as deel van jou reistassie.

Dit is aanlyn beskikbaar teen R1 900 by Zando.

The post ’n Vel wat ooglopend stralender en gesonder lyk in net 1 minuut appeared first on Goeie Huishouding.

Ons het ’n voëltjie hoor fluit dat Kate Middleton met al twee haar swangerskappe Bio-Oil – een van die wêreld se florerendste velsorghandelsmerke – gebruik het om die voorkoms van haar rekmerke te verlig. Die innoverende bestanddeel PurCellin-olie maak dit ’n doeltreffende behandeling vir velkwessies soos dehidrasie en veroudering. Ander bekende ma’s wat glo ook op Bio-Oil staatmaak om hul vel glad en soepel te hou, is onder andere Victoria Beckham en Natalie Portman.

Bio-Oil (R54,99 vir 60 ml, R79,99 vir 125 ml en R114,99 vir 200 ml) is by apteke en kleinhandelaars landwyd beskikbaar.)

The post Kate Middleton se kuur vir rekmerke appeared first on Goeie Huishouding.

1. KYK WAT JY KOOP

Sheryl, wat ’n organiese tuin het, eet gesond en lees die bestanddelelys op elke produk wat sy koop met ’n valkoog. Een van haar gunstelingkosse is saml. “Dit help jou gesond voel – en lyk,” sê sy.

2. EET SLIM (DIE MEESTE VAN DIE TYD)

Ek hou van sout peuselgoed. Ek gryp dus af en toe ’n hand vol aartappelskyfies,” sê Sheryl. Om dié gewoonte in toom te hou, hou sy ’n pakkie met droë bosbessies en neute in haar motor vir wanneer sy op die pad is.

3. MAAK OEFENING PRET

Haar wenk om gemotiveerd te bly: Doen oefening wat jy geniet. Vir Sheryl beteken dit 45 minute draf, swem, fietsry of tennis per dag om haar harttempo op te jaag.

4. ONTSPAN ’N SLAG!

Sy glo dié wenk werk soos ’n bom: Tel kleure. “Ek kyk in die vertrek rond en let op die kleur van verskillende voorwerpe, soos ’n geel kussing of ’n rooi hoed,” sê sy. “As jy op dinge rondom jou konsentreer, hou jou gedagtes op maal.”

5. GENIEt JOU OUDERDOME

‘”Soms sien ek ’n foto van myself en dink: Gits, ek is ook nie meer 32 nie!’ erken Sheryl admits. “Maar ek glo dis dít wat jy van binne af uitstraal wat bepaal hoe ander mense jou sien.”

The post Sheryl Crow se 5 wenke vir jonkbly appeared first on Goeie Huishouding.

1. SKILFER AF

Dit is ’n goeie idee om een keer per week ’n afskilferaar op jou gesig en jou lyf gedurende die winter te gebruik – dit is ’n wonderlike manier om jou vel vars te hou en van dooie selle ontslae te raak.

2. DRINK WATER

Jou vel sal van binne af goed gehidreer bly as jy genoeg water drink. Dit sal ’n pragtige vel met ’n gesonde gloed verseker.

3. BEVOGTIG

Dit is goed om jou gewone vogroom vir een met ’n oliebasis te ruil. Dit sal jou vel help om vog binne te hou.

4. SONSKERMMIDDEL

Onthou om minstens 30 minute voordat jy uitgaan ’n sonskermmiddel te gebruik. Net omdat dit koud is, beteken dit nie dat die son se UV-strale weg is nie.

5. VERMY BAIE WARM BADDENS EN STORTE

Ja, dis winter en niks is so lekker om soos om ’n warm bad te tap nie. Maar so groot soos die versoeking is, moet dit nie te warm maak nie aangesien dit jou vel kan uitdroog.

The post 5 Stappe vir pragtige vel dié winter appeared first on Goeie Huishouding.

1. Vorm jou wenkbroue – iets eenvoudigs soos om yl wenkbroue in te kleur of om dit netjies te pluk kan soos ’n mini-gesigsontrimpeling wees. Dit sal jou outomaties wakkerder laat lyk

2. Verminder pofferigheid – sit ’n metaallepel in die vrieskas en gebruik dan die agterkant van die lepel om swelling rondom jou oë liggies te masseer. Wag totdat die swelling gesak het voordat jy bevogtiger aanwend wat jou vel weer pofferig kan laat lyk.

3. Keer dat grimering oogplooie beklemtoon – glimmende oogskadu is soos ’n vergrootglas op fyn lyntjies en onderlaag kan daarin aanpak. Wat kan jy wel hiér aanwend? ’n Basislaag, wat plooie sal versag en opvul.

4. Versteek sakke onder jou oë – bruingrys ooogskadu wat net onder jou onderste wimpers aangewend is, kan pofferigheid help verbloem deur dit te laat lyk of jou vel insak. (As jy ’n donkerder vel het, gebruik ’n warmer bruin oogskadu.)

5. Verbloem donker kringe – jy kan dit met die regte verbloemer “uitvee”. Kies ’n roomformule wat effens ligter as jou velkleur is. Een met ’n perskekleur ondertoon sal blou kringe laat vervaag, terwyl ’n pienk skakering bruin kringe sal verbloem.

6. Laaste, maar nie die minste nie – kies die regte oogroom – daar is een vir elke probleem onder die son (en rondom jou oë). As jy met pofferigheid sukkel, probeer ’n room met kafeïen en vitamien K: Dié bestanddele help vog onttrek. Speel klaar met kringe: ’n room met kafeïen (weer eens!) sal die bloedvaatjies vernou wat kringe veroorsaak. ’n Formule met vitamien C of arbutien kan bruin vlekke help verdof. Produkte met retinol sal lyntjies om jou oë versag omdat dit kollageenproduksie aanhelp en antioksidante sal toekomstige skade help voorkom

The post Ses geheime vir oë wat jonger lyk appeared first on Goeie Huishouding.

HAWERMOUT-GESIGMASKER

Goed om ’n moeë vel te vernuwe

Jy sal die volgende nodig hê:

1. ½ koppie warm water
2. ½ koppie hawermout
3. 2 e ongegeurde jogurt
4. 1 e heuning
5. wit van 1 klein eier

Meng die water met die hawermout en laat dit vir 3 tot 4 minute afkoel. Voeg die jogurt, heuning en eierwit by. Meng goed en wend ’n dun lagie aan jou gesig aan. Los dit vir 10 tot 15 minute op en spoel dit dan met louwarm water af. Jou vel sal verfris voel.

HEUNING-EN-AVOKADO-GESIGMASKER

Goed vir hidrasie

Jy sal die volgende nodig hê:

1. 1 t natuurlike heuning
2. 1 t fyngemaakte avokado
3. 1 t klapperolie

Meng al die bestanddele in ’n bak. Was jou gesig en druk dit liggies droog. Maak seker jou hande is skoon en masseer dan die masker op jou gesig. Laat die masker vir 10 tot 15 minute op jou gesig. Spoel met louwarm water af en druk jou vel droog. Jou vel behoort gehidreer te voel.

PIESANG-GESIGMASKER

Goed vir hidrasie en ’n soepel vel

Jy sal die volgende nodig hê:

1. 1 klein piesang
2. 1 t lemoensap
3. 1 t Griekse jogurt

Druk die piesang saam met die sap en die jogurt in ’n bak fyn totdat die mengsel glad is, of zirts dit in ’n menger vir ’n vinnige, gladde masker. Wend dit aan jou vel aan en los dit vir tien minute aan. Spoel met louwarm water af en druk jou gesig droog Dié masker sal jou vel gehidreer en meer elasties laat voel.

KOMKOMMER-GESIGMASKER

Goed om ’n droë vel te streel

Jy sal die volgende nodig hê:

1. ½ komkommer, gesny
2. 1 e gemaalde hawermout
3. 1 e heuning

Maak die komkommer fyn en skep dit in ’n mengbak. Roer die hawermout en heuning by en wend dit aan jou gesig. Masseer die mengsel sagkens met sirkelbewegings in jou gesig in. Los dit vir 10 tot 15 minute aan. Spoel af met koue water en druk met ’n skoon handdoek droog. Dié masker is fantasties om ’n droë vel te streel en help herstel.

The post 4 gesigmaskers wat jy by die huis kan maak! appeared first on Goeie Huishouding.

APPELASYNVERFRISSER

Jy benodig:

1. 1 e appelasyn
2. 2 k water

Meng die asyn en water en spoel jou gesig met die mengsel af nadat jy dit gewas het. Dit reinig nie net jou porieë nie, maar vernou dit ook.

VOORDELE VAN VERFRISSER

• Dit balanseer die vel se pH-vlakke,
• Dit vorm ’n beskermende laag oor die vel
• Dit bevogtig en verfris jou vel.
• Dit herstel noodsaaklike eienskappe wat die vel tydens reiniging kan verloor.

The post Maak jou eie verfrisser appeared first on Goeie Huishouding.

Die lipstiffieskakering wat jy kies, kan ’n groot stelling oor jou styl maak, maar in hul naakte toestand kan jou lippe op ’n paar gesondheidskwesies dui. Hier is die simptome wat dokters sê skadeloos is – en dié waarop jy moet ag slaan.

Simptoom #1: Droog en gebars

Jy is waarskynlik gedehidreer. Pleks van dus nog lipsalf aan te wend, gooi vir jou ’n groot glas water in en takel die probleem van die binnekant af.

As jy geneig is om jou lippe te lek, weerstaan die impuls, waarsku dr. Robert A. Kominiarek. Jou spoeg kan jou vel uitdroog, wat jou lippe droër maak en makliker sal laat bars. Steeds grof nadat jy water gedrink het? Probeer afskilfering en bevog jou lippe.

Simptoom #2: In die hoeke gebars

Jy kan ’n gisinfeksie hê (moenie bekommerd wees nie, nie daardie soort gisinfeksie nie). “As jy in jou slaap kwyl of ’n ortodontiese mondstuk dra, kan bakterieë rondom jou mond versamel en ’n infeksie veroorsaak,” sê die dermatoloog dr. Mona Gohara. Dis ’n maklike probleem om op te los. Gaan spreek jou huisdokter of dermatoloog vir gisbevegtende medikasie.

Simptoom #3: Verkleuring

Die versteekte probleme wissel van skadeloos (jy het ’n helderkleurige suigstokkie geëet) tot ernstig (lewersiekte). Gaan spreek jou dokter as die verkleuring nie weggaan nie of as dit met ander simptome gepaard gaan. Nog ’n rede: rook. Dit klink soos nog ’n rede om op te hou.

Simptoom #4: Swelling

“Geswelde lippe kan ’n resultaat wees as jy op die mond geslaan word, of weens ’n allergiese reaksie,” sê dr. Timothy Chase van SmilesNY. As jou tong geswel is, jou lippe brand, jy ’n veluitslag of ’n jeukende keel het, kry dadelik mediese hulp – jy het dalk ’n ernstige reaksie op iets wat jy geëet of mee in kontak gekom het.

Simptoom #5: Bleek lippe

“ ’n Gebrek aan sonblootstelling kan bleek lippe veroorsaak,” sê Chase. Gebruik dit as jou verskoning om in die son te gaan stap – maar moenie die sonskermmiddel vergeet nie. Kominiarek waarsku dat as jy ook elders bleek is, jy jou dokter moet gaan spreek om vir bloedarmoede of kanker te toets.

Simptoom #6: Teerheid

Is jou lippe sensitief en ’n bietjie ekstra-pienk rondom die rande? Teerheid kan gebeur met erge allergiese reaksies, maar effens ontsteekte of rooi lippe kan beteken jy is allergies vir iets soos tandepasta of lipstiffie, sê Gohara. Hou tred van wanneer jou lippe geïrriteer raak en hou op om ’n produk te gebruik wat jy dink die oorsaak is.

Simptoom #7: Koorsblare

Koorsblare ontstaan weens die herpesvirus, maar moenie bekommerd wees nie – die dae is verby dat mense met herpes ’n uitslag sal kry,” verduidelik Gohara. “Sodra jy die sensasie voel, kan jy voorgeskrewe medikasie gebruik om die koorsblaar te onderdruk.” Sy beveel ook aan om snellers soos oormatige sonlig te vermy. ’n Goeie herinnering vir almal: Dra altyd ’n sonskermmiddel.

Hoe móét jou lippe lyk?

Met so baie potensiële negatiewe simptome is dit moeilik om te weet wat normaal is. Oor die algemeen moet jou lippe “pienk, sag en glad” wees, sê Chase. As jy gesonde lippe het en dit só wil hou, volg Kominiarek se raad: “Maak seker jy drink baie water, gebruik lipbevogtigers en -balsems en besoek die dokter wanneer jy plekkies het wat nie gesond word nie.”

Dié artikel het oorspronklik op goodhousekeeping.com verskyn.

The post 7 waarskuwingstekens wat jou lippe jou gee appeared first on Goeie Huishouding.

1. Jy wend dit aan ’n droë vel aan
Jy behoort bevogtiger aan te wend sodra jy jou gesig gereinig het. Punt. As jy dit nie doen terwyl jou vel nog klam is nie, sal jy jou kans verspeel om die vog binne te hou voordat dit verdamp.

2. Jy dink duurder produkte beteken dis van ’n hoër gehalte

Vergeet die snobisme wanneer dit by jou velsorgprodukte kom. Net omdat ’n room van R2 000 blykbaar met fyngemaalde maanrots en die geur van feetjies verryk is, maak dit nie ’n wondermiddel teen veroudering nie. Daar is hope fantastiese bevogtigers op die mark wat nie ’n fortuin kos nie.

3. Jy los die bevogtiger wanneer jou vel olierig voel
Daar is ’n algemene wanopvatting dat ’n olierige vel nie bevog hoef te word nadat dit gereinig is nie, maar dit is eenvoudig nie waar nie. Wanneer jy jou vel met sterk reinigers was en nie bevog nie, begin jou vel te veel olie vervaardig om die vog te vervang. Gebruik liewer olievrye bevogtigers en olievrye onderlae om te keer dat dit te olierig raak.

4. Jy wend dit nie sagkens aan nie
Dis belangrik om jou vel versigtig te behandel wanneer jy vogroom aanwend – moet dit nie net aanplak en invryf nie, want as jy aan jou vel pluk en trek, kan dit jou vel beskadig en plooie vorm. Wend dit sagkens in sirkelbewegings met skoon vingerpunte aan en gebruik dan jou ringvinger om bevogtiger en oogroom aan jou delikate oogarea aan te wend.

5. Jy vergeet jou nek
Een van die grootste tekens van veroudering is ’n nek en décolletage vol plooie. As jy nie ’n spesiale teenverouderingsroom vir jou nek gebruik nie, onthou dus om jou daaglikse bevogtiger aan jou nek en borsarea aan te wend – anders kan jy met ’n pragtige gladde gesig en minder aantreklike nek- en borsarea opeindig.

Oorspronklik deur Samantha Escobar geskryf vir GoodHousekeeping.com.

The post 5 dinge om te vermy wanneer jy bevogtiger aanwend appeared first on Goeie Huishouding.

1. Gee hare getekstureerde golwe.
Golwende hare wat lyk of jy op die strand is, is altyd aantreklik, ongeag watter seisoen dit is. Meng 1 teelepel sout met 550 ml gewone water in ’n spuitbottel. Sodra die sout opgelos het, spuit dit op klam hare en kyk hoe dit in perfekte ongekunstelde golwe omskep word.

2. Skilfer jou gesig, lyf en voete af.
Watter deel van jou lyf jy ook al wil skrop, sout sal daarvoor werk. Terwyl jy in die stort is, vryf eenvoudig gemaalde seesout oraloor om dooie vel te verwyder en sirkulasie te verbeter. Dit sal selfs op jou kopvel werk om lastige skilfers te verwyder.

3. Behandel aknee.
Sout is ’n natuurlike afskilferaar wat porieë kan help skoonmaak en olierigheid verminder. Maak net seker jy vermy jou oë of enige stukkende plekkies. As gewone sout te erg vir jou vel is, meng dit met olyf- of klapperolie om ’n pasta te maak.

4. Maak tande wit.
Voeg 1 deel sout by 2 dele koeksoda en borsel dit met ’n skoon tandeborsel aan jou tande. Voeg water by soos nodig. Die pasta kan plaak verwyder en tande verhelder tussen bleikingsbehandelings.

5. Verfris jou asem.
’n Slegte asem word deur ’n aantal faktore veroorsaak (ja, jy, knoffel!), maar gelukkig kan sout help. Voeg ⅛ teelepel sout en ¼ teelepel koeksoda by 1 koppie water om ’n onwelriekende mond vinnig reg te sien. Die oplossing ontsmet en maak bakterieë dood wat tot enige onaangename reuke kan bydra.
6. Verhelder naels.
As jy dikwels vergeet om ’n basislaag aan te wend, kan jou naels geel raak. Meng 1 teelepel elk sout, koeksoda en suurlemoensap om enige vlekke weg te poleer. Bonus: Dit sal ook jou naelvelletjies sagter maak.

Oorspronklik deur Amanda Hawkins vir goodhousekeeping.com geskryf.

The post 6 maniere om sout in jou skoonheidsroetine te gebruik appeared first on Goeie Huishouding.

Petroleumjellie is in die 1800’s ontdek en is aanvanklik as behandeling vir sny- en brandplekke gebruik. Sedertdien het die lys van voordele geweldig uitgebrei. Almal weet dit help vir brandboudjies en ’n skurwe vel, maar dis nie al nie …

1. Laat parfuum langer hou.
   Tik ’n bietjie Vaseline aan jou polspunte – jou gewrigte en agter jou ore en knieë – voordat jy jou gunsteling-fyngeur aanspuit. Die Vaseline absorbeer die geur sodat dit langer hou.

2. Beskerm jou vel wanneer jy jou hare kleur.
   As jy ’n ywerige gebruiker van boksies haarkleur is, weet jy dis moeilik om te keer dat die kleur jou vel vlek. Smeer Vaseline al langs jou haarlyn om ’n beskermende lagie te vorm voordat jy die kleur aanwend. Dan is dit maklik om skoon te maak!

3. Maak jou naelvelletjies sag.
   Selfs al gebruik jy nie petroleumjellie as ’n bevogtiger vir die res van jou vel nie, kan jy gerus elke aand daarvan aan jou naelvelltjies smeer om dit sag te hou.

4. Skilfer jou lippe af.
   Voeg eenvoudig ’n bietjie suiker by Vaseline en wend dit aan jou lippe. Vryf dit vir ’n paar sekondes saam om enige dooie velletjies te verwyder. Spoel dit af en wend ’n dun lagie petroleumjellie aan jou lippe om dit te bevog.

5. Skep welige wimpers.
   As jou gunstelingmaskara amper op is, is Vaseline ’n maklike alternatief. Borsel ’n bietjie van die jellie aan om jou wimpers te beklemtoon.

VERTEL ONS: Watter ander slim gebruike het jy vir Vaseline?

Dié artikel het oorspronklik op goodhousekeeping.com verskyn.

The post 5 verrassende gebruike vir Vaseline in jou skoonheidsroetine appeared first on Goeie Huishouding.

Al wat jy nodig het, is:

2 koppies bruinsuiker

¼ koppie heuning

¼ koppie olyfolie

Meng die bestanddele saam en giet dit in ’n glashouer. Borsel jou lyf droog voordat jy gaan stort. Wend die skrop in sirkelbewegings oor jou vel aan en spoel af. Maak seker jy rond jou afskilferingsessie met ’n ryk vogroom of lyfolie af.

The post Bekostigbare tuisgemaakte lyfskrop appeared first on Goeie Huishouding.

1. Jy gebruik die verkeerde seep

Ja, dit ruik heerlik, maar geparfumeerde lyfwasmiddels kan jou vel erg uitdroog. Soek na bevogtigende bestanddele soos gliserien en hialuroonsuur.

2. Die water is te warm

Water teen ’n hoë temperatuur kan die vel sel beskermingslaag beskadig en die vel uitdroog. Stort warm en wend dadelik daarna vogroom aan om die vog te seël.

3. Jy skrop té gereeld

As jy te dikwels lyfskropmiddels gebruik, kan jy die vel van natuurlike olies stroop en selfs die epidermis beskadig. Skrop liefs net een tot twee maal per week.

4. Jy gebruik ’n loefa

Klam, warm loefas is die ideale broeiplek vir bakterieë, wat velinfeksies kan veroorsaak. Tensy jy dit in die wasmasjien gooi nadat jy gestort het, raak ontslae van daardie loefa en gebruik eerder ’n lyfskropborsel.

5. Jy stort te lank

Jou vel kan uitdroog as jy te lank onder lopende water staan. Hou by 5 minute op die meeste en sing maar terwyl jy bestuur of voor die kospotte staan

The post Verniel jy jou vel in die stort? appeared first on Goeie Huishouding.

Baie mense dink om olie aan ’n olierige vel aan te wend die porieë sal verstop en puisies veroorsaak, maar die teenoorgestelde is waar. Die vel absorbeer natuurlike olies maklik, dit is nie vetterig of komedogeen nie, wat beteken dit het min potensiaal om porieë te verstop, wat olie perfek vir alle velsoorte maak. Olie beskerm die vel se lipiedlaag om vogverlies te voorkom. Hier is ons vier gunstelinge:

• Die hidrerendste olie

  The Body Shop Wild Argan Oil Radiant Oil for Body and Hair bevat argan-olie wat die vel bevogtig en vernuwe. Die olie gee ’n sy-agtige, nie-vetterige afwerking met ’n mooi goue gloed.

• Die beste droë olie

  L’Occitane en Provence Huile Fabuleuse Body & Hair is sonder parabene en sulfate. Dit bevat siklometikoon, wat dit sy “glip”-gevoel gee. Dit word dus maklik deur die vel geabsorbeer en is nie vetterig nie. Dit gee hare ’n glansende en sagte afwerking.

• Die beste vir littekens en rekmerke

  Bio-Oil is baie goed vir gebruik op littekens, rekmerke en ’n oneweredige veltoon. Dit bevat PurCellin-olie vir gedehidreerde en verouderende vel, vitamien A en E, gousblomolie, asook kamille vir elastisiteit in die vel.

• Die beste om moeë spiere te streel

  Clarins Relax Body Treatment Oil verlig spanning en moegheid. Dit bevat geranium vir sy antioksidanteienskappe, kamille om te streel en te kalmeer; basielkruid en haselneutolie vir vog.

The post Kry die beste lyfolie vir jou velsoort appeared first on Goeie Huishouding.

Probeer hierdie tuis-spabehandeling om droë vel af te skilfer vir sagte, soenbare lippe.

1. SKROP. Om lippe glad te maak, vryf ’n lipskropmiddel vir 30 sekondes met ’n vinger in ’n sirkelbeweging aan. Verwyder met ’n warm lappie. Meng 1 t elk bruinsuiker en olyfolie of probeer Lush Mint Julips Lip Scrub (R95) of Esse Cocoa Exfoliator (R219,95).

2. MASKER. Smeer ’n strelende lipmasker aan: Meng1 t jogurt met ½ t heuning.

3. BEHANDELING. Bevog behoorlik met ’n romerige, ryk formule soos Labello Lip Butter (R29,99), Sorbet Age Affect Eye & Lip Serum (R155) of ’n vegie natuurlike olie soos klapperolie.

Kliek hier om ’n stap-vir-stap-video te kyk.

Hierdie artikel het oorspronklik in Good Housekeeping in die VSA verskyn.

The post Selfdoen-“gesigsbehandeling” vir gladder lippe appeared first on Goeie Huishouding.

1. JY GEBRUIK TE MIN

Skrapse aanwending kan beskerming drasties verlaag en ’n SBF30 na ’n SBF6 verlaag. Jy het ’n ruim hand vol nodig vir ’n volwassene.

2. JY WEND DIT TE LAAT AAN

Dit neem die aktiewe sonskermbestanddele sowat 15 minute om die vel binne te dring.

3. JY VERGEET VAN BINNENSHUISE BLOOTSTELLING

As jy naby ’n venster sit of in sonlig werk toe ry, kry jy UVA-strale deur die glas. Wend soggens ’n sonskermmiddel aan jou gesig, nek, bors en bo-op jou hande aan.

4. JY VERGEET VAN JOU LIPPE (EN ANDER SENSITIEWE PLEKKE)

Behalwe dat dit tot velkanker kan lei, kan jou lippe spikkels kry en vinniger plooie kry omdat die vel so dun is. Moet ook nie jou ore en die bokant van jou voete vergeet nie.

En moenie vergeet om beskermende klere te dra nie. Hoede, langmouhemde en broeke (en ’n sambreel) behoort deel van jou sonbeskermingsplan te wees.

The post 4 algemene foute met sonskermmiddels appeared first on Goeie Huishouding.

In die winter raak ’n mens se vel dikwels droog, jeukerig en rooi. Die koue temperature en wind stroop albei jou vel se noodsaaklike vog. Maar dit is belangrik om regdeur die jaar na jou vel om te sien.

Ons is dol oor die Skin Creamery Everyday All Over Cream For Face & Body! Dis sag genoeg om vir ’n sagte vel en vir babas te gebruik. Dis hipoallergeen en niekomedogenies en sal dus nie jou porieë verstop nie!

Hierdie liggewigroom bevat klapper-, jojoba- en kremetartolies om te versag en te streel en essensiële groenment-, ilang-ilang-, vanielje- en patsjoeli-olies wat dit ’n hemelse, kenmerkende geur gee.

Die GH-skoonheidspan het Skin Creamery probeer. Lees hier wat hulle daarvan gedink het:

“ ’n Bevogtigende, voedende room wat nie taai is nie (en dis 100% organies en word in Suid-Afrika gemaak) – dit kry my stempel van goedkeuring! – Cathi Trevor, GH-skoonheidsredakteur

“ Dis ’n wonderlike, luukse room wat my vel glad en sag laat voel. Dit ruik ook fantasties! – Erin Carelse, GH-skoonheidsassistent

The post Een room vir jou gesig en lyf? Ja, asseblief! appeared first on Goeie Huishouding.

Elke land het hul eie skoonheidsrituele. Dit is altyd interessant om te sien watter pamperlang-geheime vroue van oor die wêreld het om te deel.

Gelukkig vir ons het Hairtrade.com nogal heelwat speurwerk gedoen en teruggekom met ’n paar fassinerende tradisies wat ons nie kan wag om te probeer nie.

Dis tyd vir jou skoonheidsreis rondom die wêreld – van Indiese vroue wat speserye vir ’n meer gloeiende vel gebruik tot Sweedse vroue wat yskoue water op hul gesig spat om pofferigheid te verminder.

Duitsland

In Duitsland is dit nie ongewoon om water te trap in koue water nie. Dis bekend as ’n Kneipp-behandeling en daar word geglo dié tradisionele tegniek kan jou immuunstelsel versterk en jou beter laat slaap.

Brasilië

Brasiliane gebruik ’n ontbytstaatmaker – hawermout – om sonbrand te behandel. Dis nie net wonderlik om by gesigsmaskers te voeg nie, maar help ook om die vel te streel wanneer dit met water gemeng word.

Frankryk

In Frankryk gaan die truuks alles oor jou benadering tot skoonheid. ’n Gunstelingmanier om jou vel ten beste te laat vertoon is om jou tyd te gebruik wanneer jy gesigroom aanwend en dit inmasseer.

Spanje

Om ’n moeë vel te verhelder is ’n geliefkoosde Spaanse skoonheidstruuk om skyfies rou aartappel onder die oë te plaas. Dit verskaf ekstra bevogtiging met dieselfde verkoelende uitwerking as komkommer.

Swede

Die Swede hou dinge graag natuurlik en koel wanneer dit by skoonheid kom. Yskoue velsorg is hul benadering vir ’n vars gesig – van die eenvoudige truuk om yskoue mineraalwater op hul gesig te spat om pofferigheid te verminder tot om groentee-ysblokkies vir verfrisser te gebruik.

Griekeland

’n Geliefkoosde Griekse skoonheidsproduk is olyfolie. Dit word geëet om die vel ’n gesonde gloed te gee of aan haarpunte aangewend om dit te bevog en beskerm. Wanneer hulle strand toe gaan, wend hulle dit oral oor hul hare aan en bind dit dan vas om dit teen die sand en sout te beskerm.

Indië

’n Onverwagse Indiese skoonheidsbestanddeel is borrie. Hoewel ons dit gewoonlik vir kos gebruik, kan borriepasta aan die gesig aangewend word om die vel te verhelder.

Singapoer

Papaja is die magiese skoonheidsproduk in Singapoer. Dit kan aan die vel aangewend word om dit te verhelder en werk ook as ’n natuurlike afskilferaar omdat dit papaïen bevat.

Marokko

Marokke se nie-so-geheime geheim is arganolie, wat vir amper enige iets gebruik word. Ons weet al dis wonderlik vir ons hare, maar die Marokkane gebruik dit ook as ’n ryk bevogtiger en ontspannende badolie.

Japan

Om ’n vlekkelose vel van binne te verkry drink die Japanners matsja-groenteepoeier, wat die vel helder laat lyk.

Pole

In Pole is eierwit die verrassende skoonheidsgeheim. ’n Tuisgemaakte haarmasker van geklitste eierwit help om hare te versterk en te laat blink.

Kanada

Nadat hulle hul hare gewas het, draai sommige dapper Kanadese die koue water oop om dit af te spoel. Dit tem hare om rampe in die toekoms te keer en is ook wonderlik vir die vel omdat dit porieë laat saamtrek.

Thailand

Thailand het ook ’n kosgunsteling wat hulle as velsorgproduk inspan, naamlik klappermelk. Wanneer dit by sjampoe gevoeg word, versag hierdie natuurlike behandeling hare en laat dit blink.

Italië

Hoewel ons nie van vreugde wil dans by die gedagte om knoffel by ons skoonheidsroetine te voeg nie, glo die Italianers dis die moeite werd. Dié tradisionele velsorggeheim help verminder blykbaar puisies en kalmeer die vel.

China

In China is pêrelpoeier ’n noodsaaklike deel van sommige vroue se velsorgroetine. Dit word aan die gesig aangewend om die vel te verhelder.

Hierdie artikel het oorspronklik in Good Housekeeping in Brittanje verskyn.

The post Die beste skoonheidstruuks van oor die wêreld appeared first on Goeie Huishouding.

1. Om met jou grimering aan te gaan slaap

Ons het almal al een of ander tyd met ons grimering aan gaan slaap en gedink dis geen probleem nie. Maar dit is! Die chemikalieë in jou grimering keer die afskeiding van sebum, wat later puisies en aknee veroorsaak. Jou grimering sal ook in jou porieë gaan lê, wat hulle groter sal laat lyk en dan vertoon jou vel ouer. Maak ’n punt daarvan om jou grimering elke aand te verwyder en jou vel gesond en stralend te laat lyk.

2. Om jou onderlaag volgens die agterkant van jou hand te kies

Wanneer jy onderlaag kies, behoort jy dit nie te toets op die plek waar jy dit gaan dra nie? Korrek. Die agterkant van jou hand en jou gesig kry nie dieselfde blootstelling aan die son nie. Om die beste skakering vir jou vel te kies, probeer om ’n bietjie onderlaag teen jou kakebeen aan te wend om die kleur te kry wat perfek pas.

3. Om jou gesig droog te vryf

Om ’n handdoek te gebruik om jou gesig droog te vryf nadat jy dit gereinig het, is ’n reusefout, want dit doen jou vel skade. Om jou vel te vryf sal tot gevolg hê dat jy die noodsaaklike elastisiteit verloor wat nodig is om plooie en verlies aan fermheid te voorkom. In plaas daarvan, klad jou gesig sagkens droog nadat jy dit gereinig het.

4. Om jou nek af te skeep

Het jy geweet ’n mens se nek is een van die maklikste maniere om iemand se ouderdom vas te stel? Jou nek is net so belangrik soos jou gesig; onthou dus om dié deel ook te reinig, af te skilfer en te bevogtig. 

5. Om nie jou grimeerkwassies skoon te maak nie

Dit is belangrik om jou grimeerkwassies minstens een keer per week skoon te maak. As jy dit nie doen nie, kan dit velprobleme tot gevolg hê. Dit sal ook die aanwending van jou grimering beïnvloed, aangesien kwashaartjies aangepak sal wees, wat maak dat jy nie so ’n gladde, vleklose effek sal verkry nie. Dit hoef nie ’n moeisame proses te wees nie, gebruik slegs ’n paar druppels sjampoe, spoel deeglik af en laat droog word.

The post 5 skoonheidsfoute wat jy dalk maak appeared first on Goeie Huishouding.

1. Jy was jou hande met sterk sepe

“Gebruik ’n reiniger met ’n neutrale pH,” beveel die dermatoloog dr. Mona Gohara aan. Sy stel voor dat jy ’n sagte formule gebruik wat nie jou hande ná gebruik laat droog voel nie, eerder as ’n koekie seep. Dit geld ook skottelgoedseep. Dra altyd rubberhandskoene wanneer jy met huishoudelike reinigingsmiddels werk. Jou hande sal maar te dankbaar wees.

2. Jy was jou hande gedurig

Sepe kan nie net skerp wees nie, maar om jou hande te veel aan water bloot te stel kan ook skadelik wees. As jy dus jou hande dikwels moet was omdat jy byvoorbeeld ’n verpleegster is, maak seker jy wend altyd ’n vloeiroom met ’n versagtingsmiddel of bevogtende eienskappe daarna aan om te keer dat jou hande uitdroog.

3. Jy gebruik nie sonskerm nie

Jy weet jy moet elke dag sonskerm aan jou gesig aanwend, maar het jy geweet jy moet dit ook aan jou hande aanwend? “Ons gesig en hande kry meer son as enige ander deel van ons liggaam en dit is hoekom dit ons ouderdom die vinnigste wys,” sê dr. Trevor Cates.

Sonbeskerming is veral belangrik indien jy daagliks ’n motor bestuur omdat “sonvlekke eksklusief weens sonblootstelling vorm”, waarsku Gohara. “Jou hande kry ultraviolet lig deur die motorvenster en jy kan dus maklik bruin vlekke ontwikkel as jy nie elke dag sonskerm aanwend nie.”

4. Jy gebruik te veel ontsmettingsmiddels

Onthou, hierdie kiembevegtende middels is nie goed vir jou hande nie. “Handontsmettingsmiddels bestaan grootliks uit alkohol,” verduidelik Gohara. “Dit stroop die kieme van jou hande, maar dit stroop ook die natuurlike versperring van jou vel,” sê sy, wat dit droog en verrimpeld laat lyk. As jy nie sonder jou geliefde ontsmettingsmiddel kan klaarkom nie, beveel Gohara aan dat jy dit net op jou palms gebruik en nie op die agterkant van jou hande nie.

5. Jy laat gereeld jelmanikure doen

Daardie gloeiende blou lig wat op jou hande skyn wat die naellak laat set, is UV lig – dieselfde soort skadelike lig wat die son uitstraal. Los die jel en kry ’n gewone manikuur, is Cates se raad.

Hierdie artikel het oorspronklik in Good Housekeeping in Brittanje verskyn.

The post 5 slegte gewoontes wat jou hande verouder appeared first on Goeie Huishouding.